पोखरा । सौर्य एयरलाइन्सले काठमाडौं–पोखरा उडान थप्ने भएको छ ।

हाल काठमाडौं – पोखरा दुइ वटा उडान गर्दै आएको सौर्यले चैत १९ देखि चार उडान गर्ने एयरलाइन्स बजार व्यवस्थापकले जनाएकाे छ ।

जेट विमानको यात्रा पोखरेलीहरुले धेरै रुचाएको कारण अन्य गन्तव्यको उडान कटान गरेर पोखरामा थप गरि दैनिक बिहान ८ः३०, ९ः३५ बजे र दिउँसो २ः४० र ३ः३० मा उडान गर्ने तालिका तय भएको हाे । सौर्यले पोखरा अन्तर्राष्ट्रिय विमानस्थल सञ्चालनपछि पोखरा उडान सुरू गरेको हो । सौर्यले हाल विराटनगर, भद्रपुर र पोखरा उडान गर्दै आएको छ ।