काठमाडौँ । जापानको ओसाकामा बस्दै आएकी आरती खनाल सम्पर्क विहीन भएकी छन् ।

१० महिना अगाडि विद्यार्थी भिसामा गएकी चितवनको भरतपुर महानगरपालिका-१२ स्थायी घर भएकी २२ वर्षीया आरतीको खोजी कार्यमा सहयोग गर्न उनका परिवार एवं जापानमा रहेका विभिन्न संघ संस्थाले अपिल गरेका छन् । सबैतिर सूचनाको आदान-प्रदान भइरहेको छ ।

आरतीले आफूसँगै बस्ने साथीलाई  मेरो जाइरो कार्ड बन्यो भन्दै फोनमा सम्पर्क गरेकाे र फोनको ब्याट्री कम भएकोले मोबाइल अफ हुन सक्ने मोबाइलबाट भनेकी बताइएको छ ।

उनि यहि मार्च १७ तारिख (चैत ३ गते) साथीलाई ‘जाइरो कार्ड’ बनाउन जान्छु भनेर कोठाबाट निस्केकी उनी सम्पर्कविहीन भएकी हुन् ।

उनी जापानको ओसाका सिटिको इकोनो कु काट्सुयामा कित्ता १-३-२ मा बस्दै आएकी बताइएको छ । उनका बुवा देवराज खनाल र आमा राधिका खनालले आफ्नी छोरीको बारेमा जानकारी हुनासाथ खबर गर्न अनुरोध गरेका छन् । उनीहरूलाई नेपालमा ९८११ २४१९१२ र ९८२५२६६४८९ मा सम्पर्क गर्न सकिने छ ।