काठमाडौँ । नेपाल सरकारले भूमिहीन, सुकुमबासीलाई जग्गा उपलब्ध गराउन निवेदन माग गरेको छ ।

राष्ट्रिय भूमि आयोगले बुधबार सूचना प्रकाशित गर्दै भएको ३५ दिनभित्र निवेदन दिन भनेको छ । आयोगले सात प्रदेशका २८ जिल्लाका लागि निवेदन आह्वान गरेको हो ।

आयोगले तोकेको ढाँचामा सम्बन्धित स्थानीय तहमा खटिएका लगत संकलक कर्मचारीमार्फत निवेदन दिन सकिनेछ । भूमिहीन दलित, भूमिहीन सुकुमबासी र अव्यवस्थित बसोवासीले निवेदन दिन पाउने आयोगले जनाएको छ ।