काठमाडौं । काठमाडाैँ महानगरको मेयरमा विजयी भएपछि बालेन्द्र साहले धन्यवाद र्‌याली सुरु गरेका छन् ।

शुक्रबार बिहान राष्ट्रिय सभागृहबाट उनका समर्थकहरूसहित उनी महानगरयात्रामा निस्किएका हुन् । सञ्चारकर्मीलाई संक्षिप्त प्रतिक्रिया दिंदै उनले महानगर बनाउनका लागि आफ्नो सम्पूर्ण क्षमतालाई भरपुर प्रयोग गर्ने बताएका हुन ।

‘हामीले केही गर्न सक्छौं भन्ने विश्वास गर्नुभयो । महानगरवासीको यो विश्वास, जिम्मेवारी र प्रेमलाई मैले धोका दिनेछैन’ उनले भने ‘तपाईंहरू सबैको यो मायालाई मैले आफ्नो उर्जाका रूपमा लिएको छु।’