पर्वत । कोरोना संक्रमण पुष्टि भएकी पर्वतकी एक महिलाको मृत्यु भएको छ ।

बागलुङ नगरपालिका स्थायी घर भई पर्वतमा बस्दै आएकी ४८ वर्षिया महिलाको आइतबार साँझ ७ बजे कुश्मा नगरपालिका – ५ मा निधन भएको स्वास्थ्य निर्देशनालय गण्डकीले जनाएको छ।

कार्तिक १ गते कोरोना संक्रमण पुष्टि भएकोमा पोखरा स्वास्थ्य विज्ञान प्रतिष्ठानले होम आइसोलेशनमा बस्न सिफारीस गर्दै डिस्चार्ज गरेपछि कार्तिक २ गते आइतबार पर्वत पुगेकी महिलाको सोहिदिन निधन भएको हो ।

हस्पिटलको सिफारिस पछि उनी भाडाको ट्याक्सी प्रयोग गरेर पर्वत पुगेकी हुन् । गण्डकी प्रदेशमा हालसम्म कोरोना संक्रमणबाट मृत्यु हुनेको संख्या ५१ पुगेको छ ।